أشتاق لك واحلم بيومن ألاقيك
نمشي على درب المحبّــه سُويّه
وتذوب كفي يالغلا في أياديك
وتبات عيـني من عيـونك رُويّه
ياليــتني أسهر بليـله أناغيـك
واقطف ورودي من خدودن نديه
مهما تزعّلني أصبر واراضيـك
واعطيك عمري يا حبيبي هديّه
والعشق دومن قِبلته في اراضيك
وان طار طيره راح يرجع هنيّه
لا ترخصي قلبن مع البعد يغليك
خفقه شفاقه والمشاعر وفيّـه
قضّى حياته في غرامه يناديك
والشوق زاده في بكرته والعشيه
أسرح بطيفك واصحى واحاكيك
والنفس من همها ما هي خليه
يكفي جفا للّي يودّك ويرجيك
لا تجمعين البعد والليالي عليّه
آمِرْ ! تِدّللْ! هالقوافي تلبّيك
كل القصايد في جمالك شويه
قلبي على كل الأحوال يطريك
يشكي حظوظن في الصبابه رديّه
موضوع: اشــتــاقــلــك 
الأربعاء مارس 26, 2008 3:20 pm
