اخاف تقوم وتقطع رقبتي؟؟؟؟؟؟

المساهمات : 144 تاريخ التسجيل : 25/03/2008

أبد .. ما جيت ابارك لك ولكن جيت باوصّيك

على اللي ناوي ٍ تدخل بها الليلـه .. مُعذّبْتـي
ترى لولا الظروف اللي عطتْك وحدّت محاكيك

قسم بالله ما تدخل عليهـا لـو علـى رْقبْتـي
ولكنّ النصيب اقوى ولا ادري ويش اسوّي فيك

نعم .. صارت معزّبتك .. ولا صارت معزّبْتي
كذا شاءت بنا الأقدار تحرمني لجـل تعطيـك

كذا لازم عشان تفوز إنت .. أخسر بتجربْتـي
تراها غاليه جداً .. وتكفـى .. والله يخليـك

تدللهـا .. تدلعهـا .. تنسّيهـا مصاحبْـتـي
أنا من كثر ما اغليها أحس اني بديت اغليـك

ولا تسـأل بأيّـة حـق ولا ّ وش مناسبْتـي
لإنك لو بتسألني بتسمع شـيء مـايرضيـك

لذا ياخـوي لا تسـأل ولا تسمـع لأجوبْتـي
أبيك تحطها في داخل عيونـك وبيـن ايديـك

وهي دلوعه اعتادت علـى كثـرة مداعبْتـي
فداعبها شوي شوي حتـى تشتهـي طاريـك

وشاغبها إلين تقـول لـك: بطّـل مشاغبْتـي
واذا هي مالها خلقك..ولا تضحك ولا تسلّيـك

تحمّلها وإسألها: يـا عمـري ليـه عصّبْتـي
وبالك اسمع انّك يوم تضربها وهـي تشكيـك

ما يحتاج اورّي لك بفـن الضـرب موهبْتـي
صحيح انك بتملكها ومعـك العقـد بالتمليـك

وانا عارف حدود الله ومـن حقـك معاقبْتـي
ولكن قلّها المجنـون وصّانـي وهـو يعنيـك

يقول انّـه بينتظـرك ولـو شيّـب وشيّبْتـي
وانا مجنونها اللي ما نساها وانت مـا يمديـك

تغطّي ذكرياتي في هواها.. وربْـع تجربْتـي
أحس اني تماديت بكلامي.. والغضب حاديـك

ولو انّك في مكاني ما تفكّـر فـي محاسبْتـي
كفاك اني تركت الليله اشغالي عشـان اجيـك

دخلت القاعه برجلي ولا ادري ويش عاقبْتـي
وانا ما جيت اخرّب عرسك الليلـه ولا أذّيـك

أنا جيتك عشان اخاطبك واسمـع مخاطبْتـي
توصّى..وانتبه..واحرص عليهـا والله يهنّيـك

ترى كل الكلام اللي طلَع من ضيقـيَ وكبْتـي
ولكن ما قدرت انّي أقوله وانـت مـا يخفيـك

أخاف انّـي إذا قلتـه تـقـوم وتـقـطـع رْقـبْتـي

المساهمات : 75 تاريخ التسجيل : 24/03/2008 العمر : 36

اااااااااااااااااااااالله صح احسااااسك

وننتظر جديدك وتقبل مروووري

afro

المساهمات : 144 تاريخ التسجيل : 25/03/2008

احلى مروووووووووووووووور فديت قلبك
الله لايحرمنا مرووووورك المتميز